پایله
د زیږون د کچې له مخې، نارینه او ښځینه په شمیر کې تقریبا مساوي دي. خو وروسته، د مختلفو دلایلو له امله، په ټولنه کې د نارینه وو شمیر کمیږي، چې د ښځو زیاتوالی رامنځته کوي. اوس پوښتنه راپورته کیږي چې د دې ستونزې حل څه باید وي؟ د دې عدم توازن د حتمیت په نظر کې نیولو سره، د جنسونو ترمنځ صیحي اړیکه څنګه رامنځته کیدی شي؟
د یوې میرمنې قانون ددې لامل کېږي چې په سلګونو زره میرمنې د ځان لپاره میړونه نه شي موندلی او په دې توګه په ټولنه کې له یو عزتمن ځای څخه بې برخې کیږي. د "یوه میرمنه" د یو مطلق اصل په توګه ښایي ځینو ته مثبته او د خوښئ وړ ښکاره شي، خو پیښې ښیي چې دا د نن ورځې په نړۍ کې په بشپړه توګه د عملي کیدو وړ نه ده. نو زموږ انتخاب د یوې میرمنې او څو میرمنو ترمنځ نه دی، بلکې د اسلام د مشروع څو میرمنو او غیر اسلامي خلکو د غیر مشروع څو میرمنو ترمنځ دی. وروستی سیسټم "اضافي" میرمنې پریږدي چې د جنسي ګډوډۍ او ټولنیزې تباهۍ ژوند وکړي. اسلام بیا له بلې خوا دوی ته اجازه ورکوي چې په خپله خوښه له هر هغه چا سره واده وکړي چې له یوې څخه زیاتو میرمنو سره عادلانه چلند کوي.
